Takk til Framtidsrådet!
Torsdag 13. januar hadde Framtidsrådet sitt siste møte før nytt råd blir vald. Det avtroppande rådet gav råd og innspel om kven som skal sitje i Framtidsrådet i 2022 og ba Framtidslaben om å ta den endelege avgjerda. Laben har høyrt med alle partnarane kven som ønsker å vere i Framtidsrådet og interessa har vore overveldande! Frå no av vil det vere slik at alle dei 10 representantane i Framtidsrådet skal sitje i rådet i to år, men slik at 5 av representantane skiftast ut årleg.
Framtidsrådet er ei rådgivande gruppe av partnarar som drøfter moglegheiter og utfordringar i samarbeid med teamet i Framtidslaben. Dei er sparringspartnarar som kjem med idear og innspel til aktivitetar, tematikk og fokusområde.Tema i møta er varierte og kan være djupdykk og arbeidsmøte innanfor gitte område. Målet er at kvar partnar sit i to år med ei vekselvis utveksling av fem representantar kvart år.
Desse har vore i Framtidsrådet:
Atea, Digerneset Næringspark, BDO, NTNU, TAFJORD, NExTdigital, OSC, Optimar, Høgskulen i Volda, Studentparlamentet NTNU, Norconsult. Observatørar; Innovasjon Norge, Forskningsrådet, The North West og Ålesund kommune
Vi takkar Framtidsrådet 2021 for godt samarbeid og vil raskt ha Framtidsrådet for 2022 klart.
Biletet er frå eit utvida Framtidsrådsmøte 24. juni 2021 – dei som var til stade fysisk.
|